فوازير اسم الشهيد ...العقيد "رامي حسنين" القائد الأسبق للكتيبة 103 صاعقة، واللى استشهد فى أكتوبر 2016 عشان يتولي قيادة الكتيبة بعده الشهيد "منسي"..

الشهيد العقيد "رامي حسنين" القائد الأسبق للكتيبة 103 صاعقة، واللى استشهد فى أكتوبر 2016 عشان يتولي قيادة الكتيبة بعده الشهيد "منسي"..

العقيد "رامى حسنين" مواليد 1975.. إتخرج من الكلية الحربية سنة 1996.. إنضم لسلاح الصاعقة بعد تخرجه.. سافر كتير فى بعثات الخارجية أخد خلالها كل فرق الصاعقة المصرية.. من أمهر أبطال القوات المسلحة فى الرماية وكانت كفاءة إيده اليمين زي الشمال بالظبط، وهو واحد من أهم القادة اللي عملوا عمليات تطهير موسعة في شمال سيناء ضد الجماعات الإرهابية.. طلع من تحت إيده أبطال صاعقة لا يشق لهم غبار؛ كلهم أجمعوا على شجاعته اللي مفيش زيها.. شارك فى عملية حق الشهيد فى 2015، ونال الشهادة فى 29 أكتوبر 2016 بعد ما التكفيريين استهدفوا موكبه بعبوات ناسفة في شمال سيناء.. استشهد وساب زوجة وبنتين زي القمر.. ربنا يصبرهم ويقويهم..

بعد إستشهاده نعاه الشهيد "المنسى" فى 29 أكتوبر 2016، على صفحته الشخصية بمواقع التواصل الاجتماعى وقال: (فى ذمة الله أستاذى ومعلمى، تعلمت منه الكثير، الشهيد بإذن الله العقيد رامى حسنين، إلى لقاء شئنا أم أبينا.. قريب).. بعدها بعدة ساعات تم تكليف الشهيد "أحمد منسى" عشان يخلف "رامى حسنين" فى قيادة الكتيبة 103 صاعقة فى شمال سيناء، ويستشهد بعده بسنة تقريباً..

الفنان "أحمد صلاح حسني" جسد دور الشهيد "رامي حسنين" فى مسلسل "الاختيار"..

عاشت مصر، ورحم الله الأبطال الشهداء.